車埋我 Hop In — 支援、常見問題、聯絡

車埋我 Hop In — 支援

「車埋我 Hop In」係一個香港的士咪錶模擬器，由 Mikeneko Solutions 製作，Android 同 iOS 都有。呢頁係常見問題同聯絡方法。

⚠️ 純屬模擬，唔係合法的士咪錶。實際車資以車上咪錶為準。

聯絡我哋

有問題、建議或者刪除資料要求：喺香港便民地圖任何一個設施撳「回報」，備註寫「Hop In」同你嘅問題。我哋通常幾日內回覆。

常見問題

個錶同真的士唔同？: 正常。Hop In 用手機 GPS 估距離同速度，隧道、高樓同天橋底都會有誤差；真咪錶用車輪轉數。當佢係遊戲——唔好用嚟同司機拗數。
熄芒或者轉去其他 App 個錶會唔會停？: 唔會。Android 用前景服務（通知欄會見到）、iOS 用背景定位模式繼續計，直到你撳「完成行程」。就算 App 被系統殺咗，重開會由行程日誌重建返。
點解要位置權限？: 冇 GPS 就冇距離同速度。你撳「載客」之前 App 唔會攞位置。唔想畀權限嘅話，設定入面有「示範模式」，唔使出街都睇到個錶行。
轉數快 QR 去咗邊？: 0.3.10 起已經移除，App 唔再有任何收款或者付款功能。更新之後，之前儲存喺電話上嘅轉數快收款資料會自動刪除。
「分享行程數據」係咩？會唔會識別到我？: 預設關閉。開咗之後（或者逐程撳「上傳呢程」），行程嘅車費、距離、時間、起訖點、GPS 路線、手機型號同 App 版本會送去我哋伺服器，用嚟改善 App。冇任何識別你或者部機嘅編號。詳情見私隱聲明第七節。
點樣刪除我嘅資料？: 電話上嘅嘢：行程頁逐程刪除或者清空，或者直接移除 App。已上傳嘅行程：喺「行程 › 該程 › 匯出行程資料（JSON）」搵到嗰程嘅 id，連同 id 聯絡我哋，我哋會刪除。冇 id 我哋認唔到邊程係你嘅。
直播連結有冇密碼？: 冇。任何有連結嘅人都睇得到直播期間嘅位置同車費。行程完結連結即失效，最長 12 小時。
收費表可以改嗎？: 可以。「收費表」頁可以改起錶價、跳錶額、隧道費、附加費，複製一份自己改，或者由頭新增（包括定價嘅紅 Van）。運輸署調整車資時，App 更新會自動換上新嘅內置收費表。

私隱

逐項寫明邊啲留喺你部機、邊啲會送出：私隱聲明（第七節，最後更新 2026-10-04）。

版本

App 嘅版本號喺「設定 › 關於」。回報問題時請一併提供版本號、手機型號同大概發生時間。套件名稱：io.mikeneko.hopin。